İran Xarici İşlər Nazirliyi Kanada Kral Dəniz Qüvvələrini "terror təşkilatı" elan etdiyini açıqladı.
Turkustan.az xəbər verir ki, Xarici İşlər Nazirliyinin yazılı açıqlamasına görə, Kanadanın 19 iyun 2024-cü ildə İslam İnqilabı Keşikçiləri Korpusunu (İİKK) terror təşkilatları siyahısına əlavə etməsinə cavab olaraq, İran Kanada Hərbi Dəniz Qüvvələrini terror təşkilatı elan edib.
Bəyanatda deyilirdi: "Kanada hökuməti beynəlxalq hüququ pozaraq ölkənin rəsmi silahlı qüvvələrinin fundamental elementi kimi tanınan İnqilab Keşikçiləri Korpusunu terrorçu qurum kimi təyin etdiyi üçün Kanada Hərbi Dəniz Qüvvələri qarşılıqlılıq prinsipinə uyğun olaraq terror təşkilatı kimi təyin edilib".
2019-cu ildə ABŞ İran İnqilab Keşikçiləri Korpusunu "xarici terror təşkilatları" siyahısına əlavə etdi və buna cavab olaraq İran ABŞ ordusunu "terror təşkilatları" siyahısına əlavə etdiyini açıqladı.
Kanadanın İctimai Təhlükəsizlik Naziri Dominik LeBlank 19 iyun 2024-cü ildə İran İnqilab Keşikçiləri Korpusunu "terror təşkilatları" siyahısına əlavə etdiklərini açıqladı.
Aytən Yaşar/ Turkustan.az
