Avropa İttifaqı (Aİ) süni intellekt sahəsində ABŞ və Çinlə rəqabət aparmaq üçün sənaye və elmdə süni intellektin istifadəsini artırmaq üçün yeni plan hazırlayıb.
Turkustan.az xəbər verir ki, Aİ Komissiyası süni intellekt sahəsində rəqiblərindən geri qalmamaq üçün hazırladığı “Süni İntellektin Tətbiq Strategiyası” və “Elmdə Süni İntellekt Strategiyası”nı ictimaiyyətlə paylaşıb.
Bu strategiyalara uyğun olaraq, Aİ ölkələrinin süni intellekt sahəsində aparıcı rol alması üçün addımlar atılacaq.
Bu çərçivədə Avropanın əsas sənayelərində və dövlət sektorlarında süni intellektin istifadəsi sürətləndiriləcək.
Səhiyyə, əczaçılıq, enerji, nəqliyyat, istehsal, tikinti, kənd təsərrüfatı, qida, müdafiə, rabitə və mədəniyyət kimi sektorlarda süni intellektin qəbulu və istifadəsi təşviq ediləcək.
KOM-lara süni intellekt sahəsində xüsusi ehtiyacları ilə bağlı dəstək veriləcək və süni intellektin öz əməliyyatlarına inteqrasiyasına köməklik göstəriləcək.
Səhiyyə xidmətləri üçün süni intellekt tərəfindən dəstəklənən təkmil skrininq mərkəzləri yaradılacaq.
İstehsal, ətraf mühit və əczaçılıq kimi sektorlara xas qabaqcıl modellərin və vasitəçi süni intellektin inkişafı təmin ediləcək.
Aytən Yaşar/ Turkustan.az
