Ukrayna ilə danışıqlarda Rusiya nümayəndə heyətinə başçılıq edən Vladimir Medinski Ukrayna müharibəsi ilə bağlı qiymətləndirmələr edib.
Turkustan.az xəbər verir ki, Vall Street Journal-a danışan rus diplomat müharibənin bitməsi üçün Ukraynanın güzəştə getməli olduğuna diqqət çəkib.
Rusiya ilə uzun müddət mübarizə aparmağın qeyri-mümkün olduğunu deyən Medinski: “Xəbərdarlıq edirəm ki, Kiyevin güzəştə getməməsi onların daha çox ərazi itirməsinə səbəb olacaq”.
Medinski öz bəyanatını dəstəkləmək üçün tarixə istinad edib. Rus diplomat Rusiyanın 18-ci əsrdə İsveçlə 21 illik müharibəsinə diqqət çəkib.
O, sülh istədiklərini bildirib və əlavə edib: "Ukrayna başqalarının milli maraqlarını rəhbər tutmağa davam edərsə, biz cavab verməli olacağıq".
Aytən Yaşar/ Turkustan.az
