ABŞ-ın BMT-dəki (BMT) Daimi Nümayəndəsinin müavini Con Kelli Rusiya-Ukrayna müharibəsinin “hərbi həll yolu” olmadığını deyib və Rusiyanın müharibəni davam etdirmək istəyəcəyi təqdirdə əlavə sanksiyaların müzakirə olunacağı barədə xəbərdarlıq edib.
Turkustan.az xəbər verir ki, ABŞ-ın Rusiya ilə Ukrayna arasında “sülhə gedən yol axtardığını” və bu müharibənin bitməsini istədiyini deyən Kelli Ukraynanın bu mövzuda razılığa gəlməsinə baxmayaraq Rusiyanı atəşkəsi qəbul etməyə çağırmağa davam etdiklərini bildirib.
Kelli bildirib ki, Rusiya müharibəni davam etdirmək qərarına gəlsə, ABŞ danışıqlardan çəkilmək barədə düşünməli olacaq. "Bu münaqişənin hərbi yolla həlli yoxdur. Hazırda təklif olunan saziş Rusiya üçün mümkün olan ən yaxşı nəticədir. Prezident Putin razılaşmanı qəbul etməlidir. Müharibənin davam etdirilməsi alternativi heç kimin marağında deyil".
Kelli ABŞ-ın Rusiya ilə sülh və iqtisadi qazanclar üzərində işləmək istədiyini vurğuladı, lakin xəbərdarlıq etdi ki, ABŞ bundan imtina edərsə, “Rusiyaya qarşı əlavə sanksiyalar hələ də masadadır”.
Bu müharibənin sona çatmasının Rusiya və Ukraynanın məsuliyyəti olduğunu xatırladan Con: "Zaman müharibəni uzadacaqların tərəfində deyil. Biz həm Rusiyanı, həm də Ukraynanı sülhə nail olmaq üçün çətin və tarixi bir qərar verməyə çağırırıq"-deyə, əlavə edib.
Aytən Yaşar/ Turkustan.az
