İyunun 13-də İsrailin İrana hücumu nəticəsində başlayan qarşıdurma qarşılıqlı hücumlarla davam edir. Hər iki ölkədə Azərbaycan vətəndaşlarının çox olması həmvətənlərimizin aqibətini mütəmadi olaraq diqqətdə saxlamağı zəruri edir.
Bəs bu günə qədər hər iki ölkədə hücumlar nəticəsində vətəndaşlarımız arasında ölən və ya xəsarət alan olubmu?
Azərbaycan Xarici İşlər Nazirliyindən Oxu.Az-ın sorğusuna cavab olaraq bildirilib ki, sözügedən ölkələrdə Azərbaycan vətəndaşlarının həlak olması və yaralanması barədə məlumat daxil olmayıb.
