Rusiya Prezidentinin köməkçisi, general-polkovnik Aleksey Dyumin Vladimir Putinin şəxsi göstərişi ilə Kursk vilayətində Ukrayna qüvvələri ilə döyüşən qüvvələrə koordinator təyin edilib.
Turkustan.az Rusiya KİV-ə istinadla xəbər verir ki, Dyumin ordu qüvvələrinə birbaşa komandanlıq etməyəcək.
Onun vəzifəsi Ukrayna qoşunlarını sərhəd ərazisindən çıxarmaq üçün Rusiya Silahlı Qüvvələri qrupunun hüquq-mühafizə orqanları və regional hakimiyyət orqanları ilə birgə hərəkətlərini koordinasiya etmək olacaq.
O, vəzifəsinin icrasına başlamaq üçün artıq Kursk vilayətinə yollanıb.
Aleksey Dyuminin 2014-cü ilin “Krım yazı”nda Xüsusi Əməliyyat Qüvvələrinə komandanlıq etmək təcrübəsi var. O, həmçinin dəfələrlə prezident kimi Putinin mümkün varisi adlandırılıb. /yeniavaz.com/
