ABŞ Mərkəzi Komandanlığı (CENTCOM) İranın quru sərhədləri və Xəzər dənizi vasitəsilə silah, eləcə də sanksiya altındakı yüklərin daşınmasına qarşı mübarizə aparacaq "Dəmir Qapı" (Iron Gate) adlı xüsusi əməliyyat qrupunun yaradıldığını bəyan edib.
Turkustan.az xəbər verir ki, CENTCOM-un "X" sosial şəbəkə hesabında yayılan məlumatda qrupun yaradılması barədə sərəncamın noyabrın 7-də verildiyi bildirilir.
Qrup Floridada yerləşəcək və digər ABŞ dövlət strukturları ilə birgə fəaliyyət göstərəcək.
Xüsusi qrupun əsas vəzifəsi İran ərazisindən modern silah sistemlərinin, ikili təyinatlı texnologiyaların, sanksiyalı materialların daşınmasının qarşısını almaq, eləcə də qanunsuz maliyyə kanallarını tamamilə kəsməkdir. /Musavat.com/
