Səudiyyə Ərəbistanı Müdafiə Nazirliyi ölkəni hədəf alan hücumlar barədə məlumat verən bir açıqlama yayıb.
Turkustan.az xəbər verir ki, bəyanatda dünən gecədən bəri ölkənin hava məkanına daxil olan 25 dronun hava hücumundan müdafiə sistemləri tərəfindən məhv edildiyi bildirilib.
Zərərsizləşdirilən dronların mənşəyi və ya hücum cəhdi nəticəsində hər hansı bir zərər və ya itkinin olub-olmadığı barədə heç bir məlumat verilməyib.
İran 28 fevraldan bəri ABŞ və İsrailin hücumlarına cavab olaraq ABŞ bazalarına və yeddi ərəb ölkəsindəki vacib yerlərə raket və pilotsuz təyyarələrlə hücumlar həyata keçirir.
İslam İnqilabı Keşikçiləri Korpusu (İİKK) ABŞ qüvvələrinin yerləşdiyi Səudiyyə Ərəbistanının şərqindəki əl-Xərc şəhərindəki Şahzadə Sultan hava bazasına hücum etdiyini açıqladı.
Aytən Yaşar/ Turkustan.az
