ABŞ siyasətində güc balansı dəyişdikcə, pərdəarxası başqa bir diqqətəlayiq addım üzə çıxdı.
Turkustan.az xəbər verir ki, seçki kampaniyası zamanı Donald Trampa etdiyi ianələrlə tanınan milyarder investor Pol Singerin Venesuela prezidenti Nikolas Maduronun həbs olunduğu iddialarından bir neçə həftə əvvəl Venesuela böhranında mühüm aktiv hesab edilən Citgo Petroleum Corp. üzərində illərdir davam edən hüquqi mübarizədə qalib gəldiyi iddia edilir.
MarketWatch-a görə, Singer tərəfindən təsis edilən Elliott Management şirkətinin törəmə şirkəti olan Amber Energy, noyabr ayının sonunda keçirilən məcburi hərracda Citgo-nun yeni sahibi oldu. Amber Energy-nin rəqib Gold Reserves-in 7 milyard dollarlıq təklifindən aşağı olan 5,89 milyard dollarlıq təklifi "daha real" hesab edildi və federal hakim tərəfindən təsdiqləndi. Bu qərar bazarlarda xeyli müzakirələrə səbəb oldu.
Satış prosesi Venesuelanın uzun müddətdir davam edən borc böhranından qaynaqlanır. Hugo Chaves dövründə sürətlənən milliləşdirmələr və ardınca dərinləşən iqtisadi çətinliklər ölkənin 2017-ci ildə defolt vəziyyətinə düşməsinə səbəb oldu. Kreditorlar borclarını ödəyə bilmədikdə, ABŞ məhkəmələri müdaxilə etdi və PDVSA-nın ABŞ-dakı ən dəyərli aktivi olan Citgo borclar üçün girov kimi satışa çıxarıldı.
Aytən Yaşar/ Turkustan.az
