HƏMAS İsrailin Suriyaya hücumunun bölgədəki hücumlarını genişləndirmək səylərinin göstəricisi olduğunu bildirib və ərəb ölkələrini buna qarşı mövqe tutmağa çağırıb.
Turkustan.az xəbər verir ki, HƏMAS-ın sözçüsü Hazem Qassem İsrail ordusunun Suriyanın cənubundakı Dəməşq çölündə Qatana bölgəsindəki Beyt Cin kəndinə hücumuna reaksiya verib.
“İsrailin bu səhər Suriyaya hücumu və Qəzzanı, İordan çayının qərb sahilini və Livanı bombalamağa davam etməsi onun bütün regionda təcavüzünü genişləndirmək üçün göstərdiyi səylərə işarədir”, - Qasim deyib.
“İşğalçı hökumətin aqressiv mövqeyi regiondakı qeyri-sabitliyin əsl səbəbidir” deyən Kasım, “Ərəb ölkələrinin bu ekstremist hökumətin ehtiyatsızlığına son qoymaq üçün ortaq mövqe nümayiş etdirməli olduğunu” vurğuladı.
İsrail ordusunun Suriyanın cənubundakı Dəməşq çölünə bağlı Qatana bölgəsindəki Beyt Cin kəndinə təşkil etdiyi basqında ikisi uşaq, ikisi qadın olmaqla 13 nəfərin öldürüldüyü, sonrakı qarşıdurmada isə 3-ü ağır olmaqla 6 İsrail əsgərinin yaralandığı bildirilib.
Aytən Yaşar/ Turkustan.az
