Suriyanın Dəməşq və Hələb universitetlərində türk dili və ədəbiyyatı bölmələri açılıb.
Turkustan.az xəbər verir ki, Suriya ali təhsil nazirinin müavini Əbdülhəmid əl-Xaled bildirib ki, Türk Dili və Ədəbiyyatı Bölməsinin açılışı Türkiyə Ali Təhsil Şurasından olan nümayəndə heyətinin Dəməşqə səfəri zamanı imzaladığı razılaşmalar əsasında həyata keçirilib.
Söz mövzusu addımın sadəcə bir akademik bölmənin açılması olmadığına diqqət çəkən Haled, "Bu təşəbbüs iki ölkə arasındakı tarixi, mədəni və ictimai əlaqələrin canlandırılması və təşkilati səviyyəyə daşınması baxımından əhəmiyyətlidir" dedi.
Haled yeni bölmə üçün lazım olan tədris planı, müəllim heyəti və materialların Türkiyənin Dəməşqdəki səfirliyi və Yunus Əmrə İnstitutu ilə koordinasiyalı şəkildə təmin edildiyini, fakültələr üçün sinif otaqları və infrastruktur hazırlıqlarının da Suriya tərəfi tərəfindən tamamlandığını bildirib.
Haled müqavilələr çərçivəsində Türkiyə və Suriya universitetləri arasında tələbə mübadiləsi proqramlarının da həyata keçiriləcəyini vurğulayaraq, "Türk dilinin Suriyada ikinci dil olaraq əhəmiyyəti getdikcə artır. Bu addım iki ölkə arasında təhsil sahəsində əməkdaşlığın təşkilati ölçüsünü gücləndirəcək" dedi.
İyulun 10-da Türkiyə Respublikasının Milli Təhsil Nazirliyi ilə Suriya Ərəb Respublikasının Təhsil Nazirliyi arasında “Təhsil sahəsində əməkdaşlıq protokolu” imzalanıb.
Aytən Yaşar/ Turkustan.az
