2024-cü il dekabrın 8-də Suriyada Əsəd rejimini devirərək ölkə rəhbərliyini ələ keçirən Əhməd Şəranın son 7 ayda 3 dəfə sui-qəsd cəhdinə məruz qaldığı məlum olub.
Turkustan.az xəbər verir ki, İsraildə çıxan “Yedioth Ahronoth” qəzetinin eksklüziv hesabatına görə, hücumlardan ən azı birinin qarşısı Türkiyə təhlükəsizlik qüvvələrinin müdaxiləsi ilə alınıb.
İsrail mediası Şaraya qarşı ilk sui-qəsdin paytaxt Dəməşqdəki Qəsr əl-Şaab Sarayının çıxışında baş verdiyini yazıb. Şübhəli hərəkəti görən Türkiyə təhlükəsizlik qüvvələri dərhal müdaxilə edərək hücumçunu zərərsizləşdirib. Xəbərdə, “Türklər Şəranın həyatını xilas etdi” ifadəsi diqqət çəkib.
İkinci hücum cəhdi İordaniya ilə sərhəddə yerləşən Dəraa vilayətində baş verib. Suriya və Türkiyə təhlükəsizlik qüvvələri Şaraa bölgəyə səfər edərkən konvoy yolunda iki şübhəli müəyyən edib. Hücumun qarşısı təxribatla alınıb. Hadisə ictimaiyyətə elan edilmədən bağlanıb.
Üçüncü və ən ciddi sui-qəsd planı Dəməşqdə müəyyən edilmiş marşrutda silahlı pusqu təşkil edirdi. Türkiyə və yerli kəşfiyyat tərəfindən son anda aşkar edilən hücumun qarşısı daha reallaşdırılmadan alınıb. Bu hadisədən az sonra Şaranın qəfil Dəməşqdən getməsi diqqət çəkib.
İsrail və ərəb mediası Şaranın bütün bu səylərə baxmayaraq ictimaiyyətə heç bir məlumat yaymamaq əmri verdiyini yazır.
Aytən Yaşar/ Turkustan.az
