AK Parti ilə CHP Arasındakı Fərq Azalıb – Yeni sorğu nəticələri açıqlanıb.
Turkustan.az xəbər verir ki, Asal Araşdırma və Məsləhətçilik şirkətinin 7–13 iyul 2025-ci il tarixləri arasında 26 vilayətdə keçirdiyi “Türkiyənin Siyasi Gündəliyi” adlı sorğunun nəticələrinə görə, AK Parti ilə CHP arasındakı dəstək fərqi minimuma enib. Xüsusilə qərarsız seçicilərin payı nəzərə alındıqda, partiyalar arasındakı uçurumun aradan qalxdığı müşahidə olunub.
Turkustan.az xəbər verir ki, Kompüter Dəstəkli Telefon Müsahibəsi (CATI) üsulu ilə 1985 iştirakçı arasında keçirilən sorğuda partiyaların səs nisbətləri belə olub:
AK Parti: 33,8%
CHP: 32,3%
Demokrat Partiyası (DEM): 10,0%
MHP: 8,8%
İYİ Parti: 4,3%
Zəfər Partiyası: 3,8%
Yenidən Refah Partiyası: 2,5%
Ana Vətən Partiyası: 1,2%
TİP: 1,0%
Digər: 2,3%
Sorğunun nəticələrinə əsasən, CHP ilə AK Parti arasındakı fərq cəmi 1 faizdir, bu isə siyasi rəqabətin getdikcə artdığını göstərir.
DEM Partiyası 10 faizlik nəticə ilə üçüncü yerdə mövqeyini qoruyub, müxalifət daxilində güclü duruşunu davam etdirib. MHP və İYİ Partiyada isə dəstəyin azaldığı müşahidə olunub. Zəfər və Yenidən Refah partiyaları isə hələ də seçki barajını keçə bilməyib.
TİP və Ana Vətən kimi kiçik partiyalar 1 faiz səviyyəsində qalıb, “Digər” partiyaların ümumi dəstəyi isə 2,3% təşkil edib.
Sorğu 95% etibarlılıq səviyyəsi ilə aparılıb, mümkün səhv payı isə ±2,45 faiz olaraq göstərilib.
Aytən Yaşar/ Turkustan.az
