Türkiyənin Milli Müdafiə naziri Yaşar Gülər və Türkiyə Silahlı Qüvvələri Komandanlığı İran sərhədindəki hərbi hissələrdə yoxlamalar aparıb.
Turkustan.az xəbər verir ki, Nazir Gülər Baş Qərargah rəisi ordu generalı Metin Gürak, Quru Qoşunları Komandanı General Səlcuq Bayraktaroğlu və Hərbi Hava Qüvvələri komandanı general Ziya Camal Kadıoğlu ilə birlikdə Vana gedib . Van valisi Ozan Balcı tərəfindən qarşılanan nazir Yaşar Gülər İran sərhədində yoxlamalar aparıb. Gülər 6-cı Sərhəd Briqadası Komandanlığına bağlı Başkaledəki 4-cü Sərhəd Taburu Komandanlığında da görüş keçirib.
Digər tərəfdən; İranla 295 kilometr sərhədi olan Vandakı sərhəd xətti də termal kameralarla gecə-gündüz izlənilir. Kilometrlər uzunluğunda təhlükəsizlik divarları mümkün qeyri-qanuni keçidlərin qarşısını alır. Sərhəddə hərəkət 24/7 nəzarət altındadır.
Aytən Yaşar/ Turkustan.az
