NATO Rusiya ilə potensial müharibəyə hazırlıqla bağlı müzakirələrə başlayır.
Turkustan.az “Politico”ya istinadən xəbər verir ki, müharibənin 2029-cu ildə baş verməsi ehtimalları var.
Alyansa üzv ölkələr bu tarixə qədər müdafiə qabiliyyətinin hədəflərini müəyyən etməyi müzakirə edəcəklər.
Nəşr yazıb ki, NATO Rusiya ilə mümkün müharibəyə hazırlıq üçün bir neçə məsələləri həll etməlidir.
“NATO əvvəlcə mümkün müharibədə üzv ölkələrin qoşunlarının sayını və hərbi imkanlarını dəqiqləşdirməli, daha sonra ABŞ-ın Avropada hərbi mövcudluğunu azaltmaq istəyi fonunda itirilmiş imkanlarını necə kompensasiya etməyi müəyyənləşdirməlidir. Şimal Atlantika Alyansı növbəti addımda regional fikir ayrılıqlarını həll etməlidir. NATO dronlar və tanklar arasında seçim etməli və Ukrayna müharibəsindən dərs çıxarmalıdır”, - nəşr qeyd edib./publika.az
