Çin prezidenti Si Cinpinin Rusiya prezidenti Vladimir Putini qəbul etdiyi Pekində keçirilən vacib sammit zamanı Çindən ABŞ-la ticarət münasibətləri ilə bağlı diqqətəlayiq bir açıqlama gəldi.
Turkustan.az xəbər verir ki, Çin Ticarət Nazirliyi, Donald Tramp və Si Cinpin arasında ötən həftə keçirilən sammitdən sonra Vaşinqtonun elan etdiyi 200 Boeing təyyarəsinin alınmasını rəsmi olaraq təsdiqlədi.
Xarici mətbuatda geniş işıqlandırılan bu inkişaf, son illərdə Çin və ABŞ arasında iqtisadi yaxınlaşmanın ən böyük siqnallarından biri kimi şərh edildi.
Çin Ticarət Nazirliyinin məlumatına görə, Pekin ABŞ ilə mövcud ticarət atəşkəsinin uzadılmasını tələb edəcək. Hər iki ölkənin qarşılıqlı olaraq tətbiq etdiyi yüksək tariflərin azaldılması üçün yeni danışıqların aparılması da planlaşdırılır.
Nazirlik ümumi dəyəri 30 milyard dollardan çox olan məhsullara qarşılıqlı tarif endirimləri üçün təzyiq göstərəcəyini açıqladı. Xarici mətbuatın məlumatına görə, Pekin administrasiyası xüsusilə texnologiya, aviasiya və kənd təsərrüfatı məhsullarına tariflərin aşağı salınmasını hədəfləyir.
Aytən Yaşar/ Turkustan.az
