İran prezidenti Məsud Pezeşkian ABŞ və İsrailin hücumları ilə başlayan müharibənin yaratdığı iqtisadi və sosial problemlərin müvəqqəti tədbirlərlə deyil, uzunmüddətli və struktur siyasətlərlə həll edilməli olduğunu bildirib.
Turkustan.az xəbər verir ki, İranın rəsmi xəbər agentliyi IRNA-nın məlumatına görə, Pezeşkian Əmək və Sosial Rifah Nazirliyinin rəsmiləri ilə görüşdə müharibənin iqtisadi və sosial təsirlərinin hədəflənmiş siyasətlər, davamlı məşğulluğun artırılması və sosial dəstək mexanizmlərinin gücləndirilməsi yolu ilə idarə olunmalı olduğunu bildirib.
İclasda işçilərin əmək haqqı və gəlirləri, təqaüdçülərin həyat şəraiti, əmək bazarı göstəriciləri və işsizlik sığortası ödənişləri ilə bağlı hesabatlar təqdim olunub.
Nazirlik rəsmiləri müharibə şəraiti səbəbindən bəzi istehsal və xidmət sektorlarında baş verən itkilər barədə məlumat verib və işçilər, qulluqçular və aztəminatlı qruplar üçün dəstək tədbirlərini izah ediblər.
Aytən Yaşar/ Turkustan.az
