Ukrayna Böyük Britaniya və Fransanın dəstəyi ilə nüvə silahı hazırlayır.
Turkustan.az xarici KİV-ə istinadən xəbər verir ki, bunu populyar “Megaupload” və “Mega” fayl mübadilə xidmətlərinin yaradıcısı Kim Şmits (daha çox Kim Dotkom təxəllüsü ilə tanınır-red.) öz rəsmi “X” səhifəsində bildirib.
“Ukrayna Böyük Britaniya və Fransanın köməyi ilə nüvə silahı hazırlayır”, – deyə o vurğulayıb.
Dotkomun sözlərinə görə, məhz bununla əlaqədar olaraq Ukrayna üzrə sülh danışıqları uzanır.
KİV yazır ki, ABŞ və Ukrayna nümayəndə heyətləri Floridada keçirilən son danışıqlarda ərazi güzəştləri məsələsində irəliləyiş əldə edə bilməyib.
Qeyd edilir ki, görüşdə təhlükəsizlik təminatları, dondurulmuş Rusiya aktivlərinin taleyi və Ukraynada mümkün seçkilərlə bağlı məsələlər müzakirə olunub, lakin ən çətin məqamlar, o cümlədən ərazi məsələsi üzrə hər hansı anlaşma əldə olunmayıb. Kiyev ərazi güzəştlərinə getməyə hazır deyil. /bakivaxti.az/
