İsrailin müdafiə naziri Yisrael Katz İranın dəstəklədiyi Yəmənli husi lideri Əbdül-Malik əl-Husini öldürməklə hədələyib.
Turkustan.az xəbər verir ki, husilərin İsrailə qarşı son raket və pilotsuz uçuş aparatları (PUA) hücumlarından sonra Katz sosial media hesabında açıqlama verərək deyib:
“Əbdül-Malik əl-Husi, sənin vaxtın gələcək. Cəhənnəmin dərinliklərində səni gözləyən hökumət üzvləri ilə görüşəcəksən.”
Katz həmçinin husilərin hakimiyyətdən devriləcəyinə və Səna üzərindəki nəzarəti itirəcəyinə eyham vuraraq bildirib:
“Husilərin bayrağındakı ‘İsrailə ölüm, yəhudilərə lənət’ şüarı bir gün Sənada dalğalanacaq mavi-ağ İsrail bayrağı ilə əvəzlənəcək.”
Məlumata görə, husilər hipersəs ballistik raketləri və üç pilotsuz uçuş aparatı ilə İsrailin üç şəhərini hədəfə alıblar.
İsrail ordusunun açıqlamasına əsasən:
Raketlər havada zərərsizləşdirilib.
PUA-lardan biri Eylat şəhərindəki bir otelə düşüb.
Hücum nəticəsində yalnız yüngül maddi ziyan qeydə alınıb, insan tələfatı yoxdur.
Aytən Yaşar/ Turkustan.az
