Rusiya lideri Vladimir Putin sentyabrın 1-də Türkiyə Prezidenti Rəcəb Tayyib Ərdoğanla görüşməyi planlaşdırır.
Turkustan.az xəbər verir ki, bu barədə Rusiya prezidentinin beynəlxalq məsələlər üzrə köməkçisi Yuri Uşakov TASS-a açıqlama verib.
Onun sözlərinə görə, görüş Çində keçiriləcək və bu, cari ildə Putinlə Ərdoğanın ilk üzbəüz təması olacaq.
Uşakov bildirib ki, prezidentlər ikitərəfli əlaqələrin müxtəlif istiqamətlərini, həmçinin beynəlxalq gündəmdə olan məsələləri müzakirə edəcəklər.
Onun sözlərinə görə, danışıqların mövzusu sırasında Ukrayna ilə bağlı vəziyyət, Yaxın Şərq, Şimali Afrika, Qafqaz və digər regionlardakı proseslər də yer alacaq. /Musavat.com/
