ABŞ administrasiyası Fələstini tanımaq cəhdlərini əngəlləmək üçün yeni cəhd göstərib.
Turkustan.az xəbər verir ki, ABŞ administrasiyası sentyabrda Nyu Yorkda keçiriləcək Birləşmiş Millətlər Təşkilatının (BMT) 80-ci Baş Assambleyasında iştirak etmək üçün ABŞ-a səfər edəcək Fələstin rəsmilərinin vizalarını ləğv edib .
ABŞ Dövlət Departamentinin yaydığı bəyanata görə , dövlət katibi Marko Rubionun göstərişi ilə sentyabrın sonuna planlaşdırılan BMT Baş Assambleyası ərəfəsində Fələstin Fələstin Təşkilatının üzvləri və Fələstin Muxtariyyətinin vizaları ləğv edilib. Buna görə üzvlərə yeni viza verilməyəcək.
ABŞ Dövlət Departamentinin rəsmisi Fələstin Muxtariyyətinin lideri Mahmud Abbas və daha 80 rəsminin vizalarının ləğv edildiyini açıqlayıb.
Fələstin xarici işlər nazirinin siyasi məsələlər üzrə müşaviri Əhməd əd-Dik Birləşmiş Ştatların BMT Baş Assambleyasına qatılacaq Fələstin rəsmilərinin vizalarını ləğv etməsindən dərin təəccübləndiyini bildirib.
Sözügedən qərarın BMT-nin İmtiyazlar və Toxunulmazlıqlar Konvensiyasını pozduğunu qeyd edən Dik, BMT-nin Baş katibi Antonio Quterreş və üzv dövlətlərin bu problemə və konvensiyanın pozulmasına həll yolu tapmalı olduğunu bildirib.
Birləşmiş Millətlər Təşkilatının mənzil-qərargahı ABŞ-ın Nyu-York şəhərində yerləşir.ABŞ Dövlət Departamenti sentyabrda Nyu-Yorkda keçiriləcək Birləşmiş Millətlər Təşkilatının (BMT) 80-ci Baş Assambleyasına qatılmaq üçün ABŞ-a gəlməli olan Fələstin rəsmilərinin vizalarının ləğv edildiyini açıqlayıb.
“ABŞ qanunlarına uyğun olaraq, dövlət katibi Marko Rubio qarşıdan gələn Birləşmiş Millətlər Təşkilatının Baş Assambleyası ərəfəsində Fələstin Azadlıq Təşkilatı və Fələstin Muxtariyyəti üzvlərinin vizalarını rədd edib və ya ləğv edib”, - deyə, məlumatda bildirilir.
Dövlət Departamenti Fələstin Muxtariyyətini “terrorizmi qınamamaqda, zorakılığa təhrik etməkdə və Beynəlxalq Cinayət Məhkəməsi (ICC) və Beynəlxalq Ədalət Məhkəməsi (ICJ) vasitəsilə İsrailə qarşı “hüquqi müharibə” aparmaqda” ittiham etmişdi.
Aytən Yaşar/ Turkustan.az
