İsrailin baş naziri Benyamin Netanyahunun təhlükəsizlik kabineti tərəfindən təsdiqlənmiş Qəzzanı “tam işğal” planının birinci mərhələsi rəsmən başlayıb.
Turkustan.az xəbər verir ki, İsrail ordusu Qəzza şəhərində ilkin əməliyyatlara start verildiyini və şəhərin kənarlarında genişmiqyaslı hücumların həyata keçirildiyini açıqlayıb. Ordunun məlumatına görə, bu əməliyyatlar planlaşdırılmış işğal strategiyasının ilk mərhələsini təşkil edir.
Bölgədən yayılan ilk görüntülərdə İsrail döyüş təyyarələrinin Qəzza şəhərini bombaladığı, hava hücumları nəticəsində qalxan tüstü və dağıntıların ətraf ərazilərə yayıldığı müşahidə olunur.
Aytən Yaşar/ Turkustan.az
