İranın xarici işlər naziri Abbas Əraqçi ABŞ-la nüvə proqramı üzrə danışıqların tezliklə bərpasını istisna edib.
Turkustan.az xəbər verir ki, o, bu barədə CBS News- a müsahibəsində bildirib .
Onun şərhləri ABŞ prezidenti Donald Trampın ABŞ-ın Tehranla nüvə danışıqlarının bu həftə bərpa oluna biləcəyini söyləməsindən sonra gəlib, baxmayaraq ki, Ağ Ev rəsmi olaraq heç bir danışıqların planlaşdırılmadığını bildirib.
"Danışıqların bu qədər tez davam edəcəyini düşünmürəm. Danışıqları bərpa etmək barədə qərar qəbul etmək üçün ilk növbədə əmin olmalıyıq ki, danışıqlar zamanı Amerika bizə qarşı hərbi hücumlara qayıtmayacaq. Və mən hesab edirəm ki, bütün bu mülahizələri nəzərə alaraq, bizə hələ daha çox vaxt lazımdır", - Abbas Əraqçi İranda Amerika mediasına 12-ci gün müharibəsindən sonra ilk müsahibəsində tərcüməçi vasitəsilə deyib.
Bununla belə, İranın xarici işlər naziri həmçinin vurğulayıb: “Diplomatiyanın qapıları heç vaxt bağlanmayacaq”.
Trampın ABŞ-ın İsfahan və Natanzdakı İranın nüvə obyektlərini "tamamilə məhv etdiyi" ilə bağlı iddialarına münasibət bildirən Əraqçi deyib: "Uran zənginləşdirmə texnologiyasını və biliyini bombardman etməklə məhv etmək mümkün deyil. Əgər bu sahədə yenidən irəliləyiş əldə etmək iradəmiz varsa və bu, mövcuddursa, biz tez bir zamanda dəymiş ziyanı bərpa edə və itirilmiş vaxtın əvəzini ödəyə bilərik".
Aytən Yaşar/ Turkustan.az
