Ermənistanın baş naziri Nikol Paşinyan Azərbaycan Prezidenti İlham Əliyevə təşəkkür edib.
Turkustan.az xəbər verir ki, hökumət başçısı bunu Rusiyanın Sankt-Peterburq şəhərində keçirilən Avrasiya İqtisadi İttifaqı Ali Şurasının sammiti zamanı deyib.
"Azərbaycan ərazisi ilə Ermənistana yükdaşımaların bərpası qərarı və ikitərəfli ticarətin başlaması üçün yaradılan şəraitə görə Azərbaycan Prezidentinə təşəkkür edirəm. Bu, bölgədə sülh və sabitliyin bərqərar olması çərçivəsində ilk ən mühüm nailiyyətlərdən biridir", - deyə Paşinyan bəyan edib. /Oxu.Az/
