Azərbaycan rəhbərliyi Ermənistanla rəsmi sülh sazişinin 2026-cı ildə bağlanacağını gözləyir.
Turkustan.az “Axar.az“a istinadla xəbər verir ki, bu fikirləri Azərbaycan Prezidentinin xüsusi nümayəndəsi Elçin Əmirbəyov Cenevrədə jurnalistlərə açıqlamasında deyib.
Onun sözlərinə görə, bütün Cənubi Qafqaz və xüsusilə Azərbaycan üçün bu il tarixə düşəcək.
Diplomat bunu onunla əlaqələndirir ki, qonşu Ermənistanla təxminən otuz il davam edən münaqişə, qarşıdurma və rəqabətdən sonra tərəflər nəhayət ki, rəsmi şəkildə sülh sazişi bağlamağa yaxındırlar.
Bu baxımdan o, Vaşinqtonda avqust sammitinin mühüm rolunu qeyd edib ki, bu da bu sülhün təsdiqlənməsinə, düşmənçilik səhifəsinin bağlanmasına və region üçün yeni gələcəyə başlamasına imkan verib.
“Biz inanırıq ki, gələn il də çox əhəmiyyətli olacaq, çünki bu, bizə bu sülh sazişini rəsmiləşdirməyə imkan verəcək”, – o, Cenevrədə jurnalistlərə deyib.
Qeyd edək ki, avqustun 8-də Azərbaycan Prezidenti İlham Əliyev və Ermənistanın Baş naziri Nikol Paşinyan Vaşinqtonda ABŞ Prezidenti Donald Tramp ilə üçtərəfli görüşün yekunları üzrə birgə bəyannamə imzalayıblar.
