Qış gələndə içimizdə təsvirolunmaz bir həyəcan oyanır.
Küçələr işıqlarla bəzədilir, şabalıd qoxusu ətrafı bürüyür və şəhər sanki Milad filmindən çəkilmiş kimi görünür. Bu hissin ən çox yaşandığı yerlər şübhəsiz ki, "milad yarmarkaları" və yaxud qış bazarlarıdır. İşıqlandırılmış bəzəkləri, isti yeməkləri, musiqisi və sürprizlə dolu atmosferi ilə qış bazarları sadəcə bir hadisə deyil, həqiqətən də ürəkaçan bir qaçışdır. Bəs nə üçün biz bu sehrli super marketləri bu qədər çox sevirik? Budur bizi hər il onlara cəlb edən əsas səbəblər:
1) Parıldayan küçələrində gəzərkən özünüzü Milad filmində hiss edirsiniz...
Hər küncdə fərqli bir işıq, hər addımda fərqli bir mənzərə. Bu sehrli atmosfer sadəcə bəzək deyil, bu həqiqətən ruhu qaldıran bir təcrübədir.
2) İsti içkilərlə soyuq havanın yaratdığı harmoniya qarşısıalınmazdır...
Əlimizdə isti şokolad, çay və ya darçınlı içki... Üzünüzə dəyən soyuqla eyni anda sizi daxildən isidən bu möhtəşəm hiss asılılıq yaradır.
3) Ya da hər yerdən gələn ləzzətli bir təamların gözəl qoxuları...
Şabalıd, şokolad, zəncəfilli peçenye, xurro... Gəzərkən izlədiyiniz və hiss etdiyiniz o qoxular belə özlüyündə xoşbəxtlik yaradır.
4) Hər küncündə gizlənən sürprizlər...
Əl istehsalı olan dizaynlar, emalatxanalar. Milad bazarlarının ən yaxşı cəhətlərindən biri də odur ki, siz heç vaxt dəqiq nə tapacağınızı bilmirsiniz.
5) Dostlarla "o işıqlı yerdə şəkil çəkdirək" çılğınlığı...
Elə bəzəklər də var ki, hər addımda "birini də götürək" deməyə vadar edir. Gəlin etiraf edək ki, bu fotolar qış bazarlarının ən gözəl xatirələrinə çevrilir.
6) Qış meydançalarında uşaq kimi əylənmək hissi...
Atıcılıq oyunları, buz meydançası, mini yarışlar və ya temalı əyləncə meydançaları....Qış bazarlarında rastlaşdığınız bu oyunlar içinizdəki uşağı anında ortaya çıxarır və sizi həyəcanlandırır
7) Canlı musiqinin, izdihamın və işıqların birlikdə yaratdığı yüksək enerji...
Bəzən konsert, bəzən də küçə musiqiçisi... Amma nəticə həmişə eyni olur. Özünüzü bu anda həyəcanın tam mərkəzində tapırsınız!
Tahirə Nur
