Bakının “nəfəs kəsən” MƏKANLARI: “Qorxu evləri” hansı hallarda məsuliyyət daşıyır?

Adrenalin və ekstremal əyləncə həmişə gənclərin və yeniyetmələrin sevimli ünvanı olub.

Bu yaşlarda insanlar real, virtual olaraq ekstremal idmandan tutmuş, həyəcanverici dijital oyunlara qədər adrenalini yaşamaq, özlərini sübut etmək istəyirlər.

Bundan faydalananlar isə hər cür təhrikedici ekstremal məkanlar – təhlükəli atraksionlar, bungee jumping (hündürlükdən tullanma), qayadırmanma və s. yaradıblar.

Bunlardan biri də müxtəlif dərəcəli “Qorxu evləri”dir.

Son illər paytaxtda da onların sayı artmaqdadır. Təbii ki, tələb-təklif prinsipi ilə çalışan belə məkanlar kommersiya şərtlərinə cavab verdiyi halda heç bir qınaq oluna bilməz. Necə deyərlər, “qurddan qorxan meşəyə girməz”. Qorxu evinə girən orada başına nə gələcəyini bilir.

Bəs əgər ora gedən ziyarətçi “qurddan qorxduğunu” bilmirsə, yəni orqanizminin və psixoloji durumunun bu cür məkanlara baş çəkməyə icazə vermədiyi bilmirsə?!

Məsələn, bir neçə gün öncə belə məkanlardan biri olan Phobia Games yeniyetmə qızın müxtəlif bədən xəsarətləri alması, ardınca daha bir yeniyetmənin saçı yolunub, yerlə sürüklənməsi ilə gündəmə gəldi.