“Çıraq” Humanitar və İnkişaf İctimai Birliyi “İşğaldan azad olunmuş və ətraf rayonlarda mina və partlamamış hərbi sursatların təsirinin azaldılması” layihəsinin icrasını davam edir.
2025-ci il iyulun 29 - 30 -u layihə çərçivəsində Ağdərə rayonu Suqovuşan qəsəbəsində mina və partlamamış hərbi sursatların törədə biləcəyi təhlükələr barədə yerli əhali üçün maarifləndirici tədbirlər keçirilib.
Tədbirlər zamanı mütəxəssislər tərəfindən qəsəbə sakinlərinə mövzu ilə bağlı ətraflı məlumat verilib, iştirakçıları maraqlandıran suallar cavablandırılıb.
Bundan əlavə, əhaliyə İctimai Birlik tərəfindən hazırlanmış maarifləndirici bukletlər paylanılıb
Layihənin donoru Qeyri-Hökumət Təşkilatlarına Dövlət Dəstəyi Agentliyidir.
