Fransada iki tramvay toqquşdu: Yaralılar var


Parisin cənubunda iki tramvayın toqquşması nəticəsində səkkiz nəfər xəsarət alıb.

Turkustan.az xəbər verir ki, qəza Tiais şəhərindəki Verdun-Hoche dayanacağında baş verib.

Dayanacaqda gözləyən tramvay eyni xətt üzrə hərəkət edən digər tramvayla toqquşub. Nəticədə səkkiz nəfər yüngül xəsarət alıb.

Dünən yerli vaxtla saat 19:47-də baş verən qəza nəticəsində tramvaylardan birinin ön hissəsinə ciddi ziyan dəyib.

Qəzanın səbəbi ilə bağlı hələlik rəsmi açıqlama verilməyib.

Parisdə iki tramvay toqquşdu: Səkkiz nəfər yaralandı

Aytən Yaşar/Turkustan.az


MANŞET XƏBƏRLƏRİ