Yəməndə İranın dəstəklədiyi Husi hərəkatının Qırmızı dənizin cənubundan keçən ticarət gəmilərindən tranzit haqqı almağı planlaşdırdığı iddia olunur.
Turkustan.az xəbər verir ki, bu barədə Reuters agentliyi regional mənbələrə istinadən məlumat yayıb.
Məlumata görə, husilər Bab əl-Məndəb boğazından keçən ticarət gəmilərinə rüsum tətbiq etmək imkanını nəzərdən keçirirlər. Bu strateji boğaz Qırmızı dənizi Ədən körfəzi ilə birləşdirən əsas beynəlxalq dəniz marşrutlarından biridir.
Tehrandan məlumatlı iki regional rəsminin sözlərinə görə, Husi nümayəndələri iyul ayında İranın Ali Rəhbəri Əli Xameneinin dəfn mərasimi üçün Tehrana səfərləri zamanı bu məsələni İran rəsmiləri ilə müzakirə ediblər.
Mənbələr bildiriblər ki, planın məqsədi beynəlxalq dəniz marşrutlarında tranzit ödənişlərinin tətbiqini normallaşdırmaq və ABŞ üzərində əlavə təzyiq yaratmaqdır.
Reuters-ə danışan ərəb rəsmisinin sözlərinə görə, Tehrandan qayıdan Husi nümayəndələrini İranlı məsləhətçilər müşayiət edib. Onların Bab əl-Məndəb boğazında tranzit ödənişlərinin tənzimlənməsi üçün xüsusi qurumun yaradılması istiqamətində fəaliyyət göstərməsi nəzərdə tutulur.
Aytən Yaşar/ Turkustan.az
