ABŞ Prezidenti Donald Tramp Mərkəzi Komandanlığın (CENTCOM) komandanı, admiral Bred Kuperdən İrandakı müharibənin gedişatı və davam edən dəniz blokadası ilə bağlı məlumat alıb.
Turkustan.az xəbər verir ki, görüşdə ABŞ-ın bölgədəki hərbi fəaliyyəti, Hörmüz boğazından neft tankerlərinin keçidinin təmin edilməsi və Tehrana qarşı iqtisadi təzyiq tədbirləri müzakirə olunub.
ABŞ-ın “Axios” nəşrinin iki amerikalı rəsmi şəxsə istinadən yaydığı məlumata görə, müzakirələrin əsas mövzularından biri İrana tətbiq edilən dəniz blokadasının nəticələri olub.
Admiral Bred Kuper Trampa ABŞ-ın Hörmüz boğazından neft tankerlərinin keçidini təmin etmək məqsədilə həyata keçirdiyi əməliyyatlar barədə məlumat verib.
Görüşdə, həmçinin, ABŞ ordusunun Maliyyə Nazirliyi ilə koordinasiyalı şəkildə həyata keçirdiyi iqtisadi təzyiq tədbirləri müzakirə olunub.
Aytən Yaşar/Turkustan.az
