İsrail ABŞ-a İranın prezident Donald Trampa qarşı yeni sui-qəsd planını nəzərdən keçirdiyini göstərən kəşfiyyat məlumatlarını təqdim edib.
Turkustan.az xəbər verir ki, məlumatı The Wall Street Journal mənbələrə istinadən yayıb: "İsrail ABŞ-la yeni kəşfiyyat məlumatlarını paylaşıb və onların sözlərinə görə, bu, İranın prezident Trampa qarşı yeni sui-qəsd planına işarə edir".
Qəzet qeyd edir ki, bu, ABŞ və İran arasında münaqişənin gərginləşməsinə səbəb ola bilər.
The Wall Street Journal xatırladır ki, İran illərdir SEPAH-ın nüfuzlu generalı Qasım Süleymaninin prezident kimi ilk müddətində öldürülməsinə görə Trampdan qisas almaq niyyətində olduğunu açıq şəkildə bəyan edib.
Xəbər verildiyi kimi, İranın Məşhəd şəhərində Ali Rəhbər Ayətullah Əli Xameneinin dəfn mərasimi zamanı küçələrə toplaşan insanlar İranın milli bayraqlarını və mərhumun fotoşəkillərini daşıyaraq, "Biz Trampı öldürəcəyik" yazılı lövhələr tutublar.
CNN əvvəllər xəbər vermişdi ki, Tramp Ankarada keçirilən NATO sammitindən Vaşinqton və Tehran arasında artan münaqişə fonunda təhlükəsizliklə bağlı narahatlıqlar səbəbindən yeni təyyarə ilə deyil, əvvəlki təyyarə ilə qayıdıb. Məlumata görə, təhlükəsizlik rəsmiləri mövcud vəziyyətdə dövlət başçısını qorumaq üçün köhnə təyyarənin daha uyğun olduğuna qərar veriblər.
Sammit çərçivəsində Ankarada keçirilən mətbuat konfransında Tramp özü də İran hakimiyyətinin onu öldürməyə cəhd edə biləcəyindən narahatlığını bildirib. /bakupost.az/
