Almaniyanın Aşağı Saksoniya əyalətinin Stade şəhərində baş verən atışma nəticəsində beş nəfər ölüb.
Turkustan.az xəbər verir ki, Lüneburq Polis Departamenti, Amerika şirkətinin X sosial media hesabında yayımlanan açıqlamada Stade-də atışma baş verdiyini bildirib.
Polis hücumda beş nəfərin öldüyünü açıqlayıb və hadisə yerində heç bir ictimai təhlükə olmadığını əlavə edib.
Almaniya mediasının məlumatına görə, hücumla əlaqəli iki nəfər polis tərəfindən həbs olunub. Həbs olunan şəxslər haqqında hələlik əlavə məlumat verilməyib.
Polis hadisə yerində araşdırmaların davam etdiyini və hücum qurbanlarının şəxsiyyətini müəyyən etmək üçün səylərin davam etdiyini bildirib.
Hakimiyyət orqanlarının bu gün axşam hücumun arxa planı barədə ətraflı məlumat verməsi gözlənilir.
Aytən Yaşar/ Turkustan.az
