Litva ABŞ ilə onun ərazisində Amerika nüvə silahlarının yerləşdirilməsi ilə bağlı danışıqlar aparır.
Turkustan.az xəbər verir ki, bu barədə ölkənin müdafiə naziri Robertas Kaunas bildirib.
Onun sözlərinə görə, hazırda Rusiyaya qarşı çəkindirməni gücləndirmək üçün Vaşinqtonla danışıqlar aparılır və Amerika nüvə silahlarının Litva ərazisində yerləşdirilməsi ehtimalı nəzərdən keçirilir .
Nazir jurnalistlərə bildirib ki, müzakirələr davam edir.
O əlavə edib ki, ABŞ belə bir addımı nəzərdən keçirəcəyi təqdirdə milli səviyyədə məsləhətləşmələr aparılır, çünki Litva konstitusiyası hazırda öz ərazisində kütləvi qırğın silahlarının yerləşdirilməsini qadağan edir.
Kaunas qeyd edib ki, "Hazırda detallara girmək istəmirəm, çünki onlar məxfi saxlanılır, amma müzakirələr davam edir və Litva qətiyyən kənarda qalmır".
Litva bu il ÜDM-nin 5,4%-ni müdafiəyə xərcləməyi planlaşdırır ki, bu da bütün NATO üzvləri arasında ən yüksək paydır. Alyansın şərq cinahında gərginlik artmaqda davam etdiyi bir vaxtda Baltikyanı ölkə Rusiyaya qarşı çəkindirməni gücləndirməyə çalışır.
Aytən Yaşar/ Turkustan.az
