Donald Trump və Xi Jinping cümə axşamı Pekində keçiriləcək rəsmi dövlət ziyafətində iştirak edəcəklər.
Turkustan.az xəbər verir ki, ziyafətin menyusunda Çinin məşhur regional mətbəxlərindən biri olan Huaiyang yeməklərinin yer alacağı gözlənilir.
Huaiyang mətbəxi Şanxay ətrafındakı bölgəyə məxsusdur və zərif dadı, incə hazırlanma üsulu və mövsümi məhsullara üstünlük verilməsi ilə tanınır.
Çin uzun illərdir ki, rəsmi tədbirlərdə və xarici liderlərin qəbulunda yeməyin simvolik gücündən diplomatik vasitə kimi istifadə edir. Ölkənin müasir tarixində yaşanan aclıq və siyasi böhranlar səbəbindən qida Çin mədəniyyətində mühüm status göstəricilərindən birinə çevrilib.
Şanxayda yerləşən Gui Hua Lou restoranının baş aşpazı Shi Qiang bildirib ki, Huaiyang mətbəxinin əsas üstünlüyü onun geniş auditoriyaya uyğun olmasıdır:
“Dadlar çoxları tərəfindən qəbul edilir və beynəlxalq qonaqlar üçün də əlçatandır.”
O əlavə edib ki, dövlət ziyafətlərində əsas məqsəd bahalı və dəbdəbəli məhsullar nümayiş etdirmək deyil:
“Huaiyang mətbəxinin fəlsəfəsinə görə, dövlət ziyafətləri israfçılıq üzərində qurulmur.”
Aytən Yaşar/ Turkustan.az
