ABŞ-da beş nəşriyyat evi və yazıçı Scott Turow müəllif hüquqlarının pozulduğunu iddia edərək Meta Platforms və onun baş direktoru Mark Zuckerbergə qarşı məhkəmə iddiası qaldırıblar.
Turkustan.az xəbər verir ki, Elsevier, Cengage, Hachette, Macmillan və McGraw Hill nəşriyyatları, müəllif Scott Turow ilə birlikdə, məsələ ilə bağlı Nyu-Yorkun Cənub Rayon Məhkəməsində iddia qaldırdılar.
İddiada qeyd olunur ki, Meta şirkəti öz süni intellekt sistemi olan Llama-nı öyrətmək üçün müəllif hüquqları ilə qorunan əsərləri icazəsiz şəkildə çoxaldıb və yayıb. Həmçinin şirkətin müəllif hüquqlarının idarə olunmasına dair məlumatları sildiyi də iddia edilir.
Ərizədə bildirilir ki, Meta və Zuckerberg “süni intellekt silahlanma yarışında qalib gəlmək” məqsədilə “sürətlə hərəkət et və qaydaları poz” yanaşmasını tətbiq edib və milyonlarla müəllif hüquqları ilə qorunan kitab və jurnal məqaləsini pirat saytlardan qanunsuz şəkildə yükləyib.
Aytən Yaşar/ Turkustan.az
