İran Nüvə Silahlarının Yayılmaması Müqaviləsi (NPT) çərçivəsində üzərinə götürdüyü öhdəliklərə sadiq qaldığını bəyan edib.
Turkustan.az xəbər verir ki, İran Xarici İşlər Nazirliyinin sözçüsü İsmayıl Bekayi ölkəsinin 1970-ci ildən NPT-nin tərəfi olduğunu və müqavilə üzrə öhdəliklərini yerinə yetirdiyini bildirib. O, Beynəlxalq Atom Enerjisi Agentliyinin (MAQATE) bir neçə gün əvvəl Buşehr Atom Elektrik Stansiyasında yoxlama apardığını da qeyd edib.
Bekayi Tehranda keçirdiyi həftəlik mətbuat konfransında jurnalistlərin suallarını cavablandırarkən bildirib ki, mövcud vəziyyət davam edərsə, MAQATE ilə normal şəraitdə olduğu kimi əməkdaşlıq etmək mümkün olmayacaq. Onun sözlərinə görə, Agentlik ABŞ və İsrailin İrana qarşı hücumlarına münasibət bildirməyib.
Buna baxmayaraq, sözçü İranın NPT çərçivəsindəki öhdəliklərinə sadiq qaldığını bir daha vurğulayıb.
Bekayi əlavə edib ki, İran Vyanadakı nümayəndəliyi vasitəsilə MAQATE ilə əlaqə saxlayır. O, İrana hücum edən ölkələrin təhlükəsizlik sazişlərinin icrasını çətinləşdirdiklərinə görə məsuliyyət daşımalı olduqları
Aytən Yaşar/ Turkustan.az
