Avropa Şurasının prezidenti Antonio Kosta bildirib ki, bu gün Ukraynaya 2026–2027-ci illər üçün dəstək krediti ayrılıb və Rusiyaya qarşı 20-ci sanksiya paketi qəbul edilib.
Turkustan.az xəbər verir ki, Kosta bu barədə X sosial platformasındakı paylaşımında məlumat verib.
Qərarları şərh edən Kosta qeyd edib: “Vəd verildi, yerinə yetirildi, həyata keçirildi.”
O bildirib ki, Aİ-nin Ukraynada ədalətli və davamlı sülhə nail olmaq strategiyası iki əsas istiqamətə əsaslanır: Ukraynanı gücləndirmək və Rusiyaya təzyiqi artırmaq.
Kostanın sözlərinə görə, bu gün hər iki istiqamətdə irəliləyiş əldə olunub. Belə ki, Ukraynaya 2026–2027-ci illər üçün maliyyə və hərbi dəstəyi əhatə edən 90 milyard avro həcmində kredit ayrılıb.
O əlavə edib ki, qəbul edilən 20-ci sanksiya paketi Rusiyanın müharibə aparmaq imkanlarını daha da məhdudlaşdırmağa yönəlib.
Aytən Yaşar/ Turkustan.az
