Ceffri Epşteynin keçmiş sevgilisi və məhkum olunmuş əlbir olduğu Gisleyn Maksvellin bu gün ABŞ Nümayəndələr Palatasının Nəzarət və Hökumət İslahatları Komitəsində ifadə verməsi planlaşdırılır.
Turkustan.az xəbər verir ki, lakin ABŞ mediasının məlumatına görə, Maksvellin susmaq hüququndan istifadə edəcəyi gözlənilir.
Ceffri Epşteynin keçmiş sevgilisi və məhkum olunmuş əlbir olduğu Gisleyn Maksvellin bu gün ABŞ Nümayəndələr Palatasının Nəzarət və Hökumət İslahatları Komitəsində ifadə verməsi planlaşdırılır. Lakin bildirilir ki, o, dinləmə zamanı sualları cavablandırmaqdan imtina etməyi planlaşdırır. ABŞ Nümayəndələr Palatasının nümayəndəsi Ro Xannanın bazar günü yazdığı məktuba görə, Maksvel ifadəsi zamanı susmaq hüququndan istifadə edəcək.
2021-ci ildə Epsteinə yetkinlik yaşına çatmayan qızlara qarşı cinsi istismarda kömək etməkdə günahkar bilinən və hazırda 20 illik həbs cəzası çəkən Maksvellin ABŞ Konstitusiyasının Beşinci Düzəlişinə istinad edərək "susmaq hüququndan" istifadə etməyi planlaşdırdığı bildirilir.
Maksvellin vəkili bazar günü şərh istəyinə cavab verməyib.
Xannanın sözlərinə görə, Maksvell ifadə vermə iclasının əvvəlində sualları fərdi olaraq cavablandırmaq əvəzinə əvvəlcədən hazırlanmış mətndən oxumağı planlaşdırır. Xanna bu məlumatın mənbəyini açıqlamayıb.
Kaliforniyalı Demokrat Xanna məktubunda aşağıdakı sözləri işlədib:
"Bu mövqe Maksvellin keçmiş davranışlarına zidd görünür, çünki o, əvvəllər əsasən oxşar məsələləri müzakirə etmək üçün Baş prokurorun köməkçisi Todd Blanş ilə görüşəndə Beşinci Düzəlişi istinad etməmişdi."
Aytən Yaşar/ Turkustan.az
