Misirin xarici işlər naziri Bədr Abdulati Qəzzanı nə Misirin, nə də başqa bir xarici ölkənin idarə etməyəcəyini, bölgəni isə yalnız fələstinlilərin idarə edəcəyini bildirib.
Turkustan.az xəbər verir ki, Qətərin paytaxtı Dohada 23-cü Doha Forumu 2025 çərçivəsində keçirilən paneldə çıxış edən Abdulati, İsrailin hücumlarının sona çatmasından sonra Misirin və ya hər hansı bir xarici dövlətin Qəzza zolağına rəhbərlik etməyəcəyini vurğulayıb.
"Nə Misir, nə də heç bir xarici ölkə Qəzzanı idarə etməyəcək. Fələstinlilər özlərini idarə edəcəklər" deyən Əbdüləti, Qəzzada "Sarı Xətt" adlanan bölgəyə beynəlxalq sülhməramlı qüvvələrin yerləşdirilməli olduğunu bildirib.
Abdulati humanitar yardımların Qəzzaya fasiləsiz çatması üçün İsrailin bütün sərhəd keçidlərini açması lazım olduğunu vurğulayaraq, işğalçı İsrailin qida və tibbi ləvazimatların bölgəyə girişini ciddi şəkildə məhdudlaşdırmağa davam etdiyini xatırladıb.
Aytən Yaşar/ Turkustan.az
