2026-cı il ara seçkilərində Demokratların qələbəsi Respublikaçılar Partiyasında və Ağ Evdə ciddi məyusluq yaradıb.
Turkustan.az xəbər verir ki, seçki nəticələrinin aydınlaşmasından sonra Ağ Evdə yaşanan gərgin anlar və yüksəkvəzifəli şəxslərin binanı tərk etməsi ilə bağlı təfərrüatlar mətbuata sızıb.
Seçki gecəsi Ağ Evin Şərq zalında Nazirlər Kabinetinin üzvləri, siyasi müşavirlər və MAGA hərəkatının nümayəndələri toplaşıb. Masalara içkilər düzülüb, iştirakçılar isə ekranlardan seçki nəticələrini izləyiblər.
Lakin prezident Donald Tramp ümumiyyətlə aşağı mərtəbəyə enməyib və şəxsi iqamətgahında qalmağa üstünlük verib.
Məlumata görə, Tramp baş müşaviri Natali Harp və Ağ Evin aparat rəhbəri Suzi Uaylsla birlikdə bir otaqda qapalı qalıb və seçkilərin nəticələrini izləyib. Bu müddətdə birinci xanım onun yanında olmayıb.
Seçki nəticələri açıqlandıqca və Respublikaçıların məğlubiyyətinin miqyası bəlli olduqca, Şərq zalındakı iştirakçılar tədricən oranı tərk etməyə başlayıblar.
Əvvəlcə yüksəkvəzifəli əməkdaşlar, daha sonra isə bəzi Nazirlər Kabineti üzvləri zalı sakitcə tərk ediblər. Həmin axşam tədbirdə iştirak edən ABŞ dövlət katibi Marko Rubio isə gecənin sonlarında artıq görünməyib.
Aytən Yaşar/Turkustan.az
