NATO və Ukrayna müdafiə sahəsində innovasiyaları sürətləndirmək üçün “BİRLƏŞ-Cəsur NATO” adlı yeni birgə təşəbbüsə start verdiklərini elan etdilər.
Turkustan.az xəbər verir ki, NATO-dan verilən açıqlamaya görə, "BİRLƏŞ-Cəsur NATO" təşəbbüsü "birlikdə işləmə tələblərinə cavab verməyə kömək edən prototip və sınaqdan keçirilmiş innovativ texnologiyaların genişləndirilməsi üçün" ilk birgə NATO-Ukrayna proqramı olacaq.
Təşəbbüs çərçivəsində NATO-ya üzv ölkələrin və Ukraynanın müdafiə şirkətlərinin iştirak edə biləcəyi yarışlar keçiriləcək. Ukrayna tərəfdən müdafiə sahəsində innovasiyaları təşviq etmək üçün Kiyev tərəfindən yaradılmış "Cəsur1" platforması koordinasiyanı öz üzərinə götürəcək.
Şirkətlər NATO-nun Rabitə və İnformasiya Sistemləri Agentliyi (NCIA) tərəfindən 2026-cı ilin fevralında keçiriləcək ilk müsabiqə üçün birgə təkliflərini təqdim edə bilərlər. Qaliblər 2026-cı ilin yazında elan ediləcək və NATO və Ukrayna tərəfindən bərabər şəkildə ayrılan 10 milyon avro məbləğində qrant alacaqlar.
Aytən Yaşar/ Turkustan.az
