Rusiya Avropa ölkələrinə qarşı pilotsuz təyyarələr buraxmaq üçün tankerlərdən istifadə edir. Musavat.com xəbər verir ki, bu açıqlama ilə Ukrayna prezidenti Vladimir Zelenski çıxış edib.
O, məlumatı axşam videomüraciətində açıqlayıb: "Hazırda bizdə kəşfiyyat məlumatları var ki, ruslar Avropa ölkələrinə pilotsuz təyyarələri buraxmaq və onlara nəzarət etmək üçün tankerlərdən istifadə edirlər”.
Zelenski əlavə edib ki, Ukrayna bu həftə Rusiyaya təzyiqlə bağlı Avropanın qərarlarını gözləyir. Ən azı bu, 19-cu sanksiyalar paketi olmalıdır: "Sanksiyaların Rusiyanın enerji ticarətinə və bütün tanker donanmasının infrastrukturuna ciddi zərbə vurması xüsusilə vacibdir". /Musavat.com/
