ABŞ Prezidenti Donald Tramp təhlükəsizliyi artırmaq və cinayət səviyyəsini azaltmaq məqsədilə Vaşinqtonda ictimai təhlükəsizliklə bağlı fövqəladə vəziyyət elan etdiyini bildirib.
Turkustan.az xəbər verir ki, Tramp bu barədə sosial media hesabında paylaşım edərək, fövqəladə tədbirlərdən sonra avtomobil oğurluğu hallarının 87 faiz azaldığını, digər cinayət kateqoriyalarında da əhəmiyyətli eniş müşahidə edildiyini açıqlayıb.
“Cəmi 14 gün ərzində Vaşinqton, planlaşdırılandan daha tez cinayətdən azad zona olacaq”, – deyə, Tramp qeyd edib.
O, paytaxt rəhbərliyini cinayət və evsizliklə mübarizədə uğursuzluqda ittiham edərək, şəhərin təhlükəsiz və yaşana bilən bir məkana çevrilməsinin vacibliyini vurğulayıb. Tramp həmçinin Vaşinqtonun idarəçiliyinin federal hökumətə verilməsinin zəruri olduğunu müdafiə edib.
Aytən Yaşar/ Turkustan.az
