İsrail-İran müharibəsi 11-ci gününə qədəm qoyub. İki ölkənin qarşılıqlı hücumları davam edir. ABŞ İrandakı nüvə obyektlərini bombaladıqdan sonra İsrail də İranın Fordo Nüvə Mexanizmini vurdu.
Turkustan.az xəbər verir ki, İsrail ordusu da Tehrana hücumlara başlayıb. Bəzi bölgələrdə elektrik kəsilərkən, bu hücumlar "İsrailin ən böyük hücumları" olaraq xarakterizə edildi.
İsrail ordusu açıqlamasında İranın paytaxtı Tehranın təhlükəsizliyinə cavabdeh olan İnqilab Keşikçiləri Qvardiyasının komandanı Tharallahın öldürüldüyünü bildirib. ABŞ-ın Qətərdəki səfirliyi ölkədə yaşayan ABŞ vətəndaşlarına xəbərdarlıq edib ki, növbəti xəbərdarlığa qədər öz yerlərini tərk etməsinlər.
Bu arada İsrailin Kanal 12 televiziyası İsrail ordusunun Tehrandakı Evin həbsxanasını da bombaladığını bildirib. İranın tələbə xəbər agentliyi İSNA da Tehrandakı Şəhid Beheşti Universitetinin vurulduğunu bildirib.
İran İnqilabı Keşikçiləri Korpusu İsrailə qarşı bugünkü hücumlarda taktikanı dəyişdiklərini açıqlayıb. Bildirilir ki, hücum Tel-Əviv və Hayfa da daxil olmaqla İsrailin şimalından cənubuna qədər olan əraziləri hədəf alıb.
Digər tərəfdən İsrail ordusu İranın paytaxtı Tehrandakı hərbi hədəflərə hücuma keçdiyini açıqlayıb. Şəhərdə partlayış səsləri eşidilib. Tasnim xəbər agentliyi Tehranın şimalındakı Evin bölgəsindəki elektrik şəbəkəsinin zədələndiyini, lakin geniş miqyasda kəsilmənin olmadığını bildirdi. “İlna” xəbər agentliyi İran dövlət televiziyasının texniki binasının İsrailin hücumu nəticəsində vurulduğunu bildirib. İsrailin müdafiə naziri bildirib ki, "İsrail ordusu hazırda Tehranın mərkəzindəki hədəflərə görünməmiş intensivliklə hücum edir".
İsrailin bir-birinin ardınca həyata keçirdiyi "ən böyük hücumlar" adlandırılan hücumlardan sonra İsrailin xarici işlər naziri Gideon Saar: "İrana dəfələrlə xəbərdarlıq etmişik, mülki insanları hədəf almayın! Ancaq onlar bu səhər də daxil olmaqla, davam etdi. Cavabımız: Yaşasın azadlıq, yaşasın gözəllik!"
Aytən Yaşar/ Turkustan.az
