Suriya öz daxili işlərinə hər hansı xarici müdaxiləni rədd edir

Suriya Xarici İşlər Nazirliyi bəzi qrupların “beynəlxalq müdafiə” çağırışlarına reaksiya verərək, ölkənin daxili işlərinə hər hansı xarici müdaxiləni rədd etdiklərini bildirib.

Turkustan.az xəbər verir ki, Xarici İşlər Nazirliyinin X sosial media hesabından edilən yazılı açıqlamada: "Suriya Ərəb Respublikası daxili işlərinə hər hansı kənar müdaxiləni açıq şəkildə rədd edir. Suriya ərazisində zorakılıq aktlarında iştirak edən və qeyri-qanuni fəaliyyət göstərən qrupların son "beynəlxalq müdafiə" çağırışlarını qeyri-qanuni tələblər kimi qiymətləndirir və tamamilə rədd edirik"-deyə, bildirilib.

Bəyanatda qeyd olunub ki, bu qrupların əməlləri ölkənin birliyinə birbaşa təhlükə yaradır və bütün ölkə ərazisində təhlükəsizliyin və sabitliyin bərpası istiqamətində milli səylərə zərbə vurur.

“Suriya Ərəb Respublikası ayrı-seçkilik olmadan əhalinin bütün təbəqələrini, o cümlədən milli toxumanın tərkib hissəsi olan qiymətli druz icmasını qorumaq əzmini ifadə edir”.

Aytən Yaşar/ Turkustan.az