Yeni bir araşdırma HİV infeksiyasının müalicəsində ümidverici nəticələr göstərib.
Turkustan.az “Brain” jurnalına istinadən yazır ki, alimlər üçün kəşf ilkin olaraq xərçənglə mübarizə üçün hazırlanmış eksperimental BLZ945 dərmanı olub.
ABŞ-nin Tulane Universitetinin alimləri aşkar ediblər ki, əvvəlcə xərçəngin müalicəsi üçün hazırlanmış eksperimental dərman beyində HİV səviyyəsini effektiv şəkildə azalda bilər.
Belə ki, xərçəng əleyhinə preparat beyində HİV virusu olan bəzi immun hüceyrələrini hədəf alır və onları məhv edir. Bu kəşf insan orqanizmindəki çətin əldə edilən virus rezervuarlarından HİV-in tamamilə aradan qaldırılması istiqamətində mühüm addım ola bilər.
Komanda HİV-ə yoluxmuş makrofaqlarda artdığı bilinən reseptoru bloklayan kiçik molekul inhibitoru BLZ945-i sınaqdan keçirdi. Təcrübə üç qrup primatlar üzərində aparılıb: müalicə olunmayan nəzarət qrupu və 30 gün ərzində aşağı və yüksək dozada dərman qəbul edən iki qrup.
Dərmanın yüksək dozaları beyində virus yükünün əhəmiyyətli dərəcədə azalmasına səbəb olub. /cebheinfo.az/
