ABŞ Prezidenti Donald Tramp Kanada, Meksika, Qrenlandiya və Kuba da daxil olmaqla bir sıra əraziləri ABŞ-ın tərkibində göstərən xəritə paylaşıb.
Turkustan.az xəbər verir ki, Tramp xəritəni sosial media hesabında yayımlayıb. Paylaşımda ABŞ-ın hazırkı sərhədləri ilə yanaşı, Kanada, Meksika, Qrenlandiya, Kuba və bəzi digər ərazilər də ABŞ ərazisi kimi təsvir olunub.
Bu paylaşım Trampın ABŞ-ın Nyu-Meksiko ştatının adının dəyişdirilərək “Yeni Amerika” adlandırılmasını təklif edən xəritəni paylaşmasından sonra baş verib.
Meksika Prezidenti Klaudiya Şeynbaum Trampın paylaşımına ABŞ-da yerləşən “X” sosial şəbəkəsində reaksiya verib.
Şeynbaum Meksikanın “azad, müstəqil və suveren” ölkə olduğunu vurğulayaraq, ölkəsinin “heç bir xarici dövlətin koloniyası və ya protektoratı olmayacağını” bildirib.
Aytən Yaşar/ Turkustan.az
