Venesuelanı sarsıdan dağıdıcı zəlzələdən sonra axtarış-xilasetmə əməliyyatları davam edərkən, dörd gün dağıntılar altında qalan ata və oğul sağ xilas edilib.
Turkustan.az xəbər verir ki, bu arada, zəlzələ nəticəsində ölənlərin sayı 1500-ə yaxınlaşır.
Venesuelada 24 iyunda baş verən 7,2 və 7,5 bal gücündə iki zəlzələdən sonra axtarış-xilasetmə əməliyyatları davam etdi və əməliyyatın dördüncü günündə ata və oğul dağıntılar altından sağ xilas edildi.
Paytaxt Karakasdan təxminən 40 kilometr şimalda yerləşən bir şəhərdə dağıntılar altında bir kişi və yeniyetmə oğlu sağ tapılıb. Möcüzə kimi təsvir edilən bu xilasetmə əməliyyatı, bölgədə təxminən 200 binanı dağıdan 7,2 və 7,5 bal gücündə iki ardıcıl zəlzələdən təxminən dörd gün sonra Fransa və Amerika qrupları tərəfindən həyata keçirilib.
Aytən Yaşar/ Turkustan.az
