ABŞ və İran arasında razılaşma ehtimalı yenidən çətinləşib.
Turkustan.az xəbər verir ki, Bəndər Abbas yaxınlığında, Qeşm adasında və İranın cənubundakı Minabda partlayış səsləri eşidilib.
Fars xəbər agentliyi İran silahlı qüvvələri ilə düşmən qüvvələri arasında baş verən toqquşmalar zamanı Qeşm adasındakı Bəhmən körpüsünün ticarət hissəsinin bəzi hissələrinin vurulduğunu bildirib.
İran mediası Birləşmiş Ərəb Əmirliklərinin (BƏƏ) Qeşmdəki körpüyə qarşı düşmənçilik hərəkəti həyata keçirdiyinə dair əlamətlər yayıb. Həmçinin, Bəndər Abbas və Qeşm adası üzərində iki dron vurulduğu bildirilib.
Tasnim Xəbər Agentliyi Hörmüz boğazı yaxınlığındakı üç ABŞ hərbi gəmisinin İran donanması tərəfindən hədəfə alındığını bildirib. ABŞ xəbər agentliyi olan CBS də boğazdan keçən üç hərbi gəmiyə hücum edildiyini bildirib. Birləşmiş Ərəb Əmirliklərinin Dubay şəhərində partlayış səslərinin eşidildiyi bildirilir.
Aytən Yaşar/ Turkustan.az
